Өнгөрсөн долоо хоногт Орхон гол гаталж яваад усанд осолдсон эх хүү хоёр ОХУ-руу цутгадаг Сэлэнгэ мөрнөөр урсан хилээр гарсан талаар бид өмнө мэдээлж байсан билээ.

Эх хүү хоёр одоог хүртэл олдоогүй байгаа бөгөөд эрэн хайх ажиллагаа үргэлжилсээр байгаа ажээ.

Эрлийн ажиллагаа ОХУ-ын хилийн орчим явагдаж байгаа ба Монголоос аврах хоёр бүлэг, Оросын хоёр бүлэг нийт дөрвөн бүлэг эрэн хайх ажиллагаанд оролцож байна.