Украины “Сегодня” сонинд гарсан нийтлэлийг хүргэж байна.
БНХАУ-д төрийн эрхийг шилжүүлэх ёслол өмнө нь нууцлаг болдог байсан. Харин өдгөө тус улс дэлхийн хоёрдогч том эдийн засаг болж, их гүрний хэмжээнд хүрсэн тул төрийн эрхийг хэн барих бол гэсэн асуултын хариултыг дэлхий дахин чих тавин чагнаж сууна.
Өнгөрсөн долоо хоногт эхэлсэн Хятадын Коммунист намын XVIII их хурлаар намын тэргүүн, цаашлаад улс орны тэргүүний албан тушаалыг Си Цзиньпинд өгөх магадлалтай байна. Их хурлын үеэр төлөөлөгчдийн аюулгүй байдлыг хангах үүднээс таксины үйлчлүүлэгчдийг цонхоо нээхийг хориглож буй бөгөөд гудамжны ил задгай худалдааг бүрэн зогсоожээ. Түүнчлэн агаарт цаасан могой, тагтаа нисгэхийг ч хориглосон гэнэ. Тэд энэ их хуралд маш их ач холбогдол өгч буй нь илэрхий байна.
Хятадын засаг төрийн ханхүү
Энэ их хурлаар улс орныг дараагийн 10 жилд удирдах хүний нэрийг зарлах нь тодорхой.
Харин байр сууриа өгч буй Ху Жинтаогийн араас “алтан залуус” буюу Мао Зедуны үеийн баатрууд болох нөлөө бүхий улстөрчдийн хүүхдүүд гарч ирж байна. Хятадууд тэднийг өөрсдөө “ханхүү нар” хэмээн нэрлэдэг. Эдгээр “ханхүү”-гийн хамгийн тод жишээ бол Си Цзиньпин юм.
Си Цзиньпиний эцэг агуу их Маотой хамт тулалдаж, коммунистууд ялсны дараа Шадар сайдын албыг хашиж байсан гэдэг. Си Цзиньпиний тухай мэдээлэл тун бага. Хятадын төр захиргаа интернэт, хэвлэл мэдээллүүдээр гарсан түүний тухай мэдээллийг нарийн хянадаг аж. Яг үүн шиг 2002 онд Зянь Зэминий залгамжлагч Ху Жинтао ч “битүү морь” байсан.
Өдгөө 59 настай Си Цзиньпиний биеийн байдал их хурлаас өмнөхөн гэнэт муудсан гэх шуугиан дэгдсэн. Тэрбээр өнгөрсөн есдүгээр сард Хиллари Клинтон нарын улстөрийн томчуудтай хийх уулзалтуудаа цуцалж, хоёр долоо хоногийн турш хэвлэл мэдээллийн “радар”-аас алга болсон. Харин удалгүй олны өмнө гарч ирэхэд нурууных нь өвчин сэдэрсэн байж болзошгүй гэсэн яриа гарсан билээ. Гэвч үүнд тэрбээр ямар ч тайлбар өгөөгүй.
Ерөнхийдөө хятадууд Си Цзиньпинийг эхнэрээр нь таньдаг гэхэд болно. Түүний гэргий, 50 настай Пэн Лиюань нь алдартай дуучин бөгөөд Хятадын ардын дууг сайн дуулж, Хятадын цагаан сард зориулсан олон концертод оролцож байсан нэгэн. Гэвч тэрбээр нөхрөө 2008 онд Хятадын орлогч дарга болсноос хойш тайзнаа гарахаа больсон юм.
Олон улсын тоймчид Лиюанийг Мишель Обаматай адил нэр хүндтэй тэргүүн хатагтай болно хэмээн таамаглал дэвшүүлж байна. Одоогоор тэрбээр хилийн чанад дахь айлчлалуудад нөхрөө дагаж явдаггүй, нууцлаг байдлаар аж төрж байгаа болохоор Си Цзиньпинээс илүү олны сонирхлыг татаж буй аж.
Улстөрийн “гүнж”
Хятадын Коммунист намын XVIII их хурлаар Улстөрийн товчооны байнгын гишүүдийн дунд анх удаа эмэгтэй хүн гарч ирж байгаа аж. Энэ бол Лю Яньдун юм. Хөдөө аж ахуйн дэд сайд асны охин тэрбээр Хятадын төрийн тэргүүн Зянь Земиньтэй ураг төрлийн холбоотой гэсэн яриа ч байдаг гэнэ.
Гуверийн хүрээлэнгийн шинжээчдийн үзэж буйгаар Хятадын улстөрийн “гүнж” болсон Лю Яньдун нь либераль үзэлтэй бөгөөд Улстөрийн товчоонд “суртал ухуулгын хатан” болох магадлалтай.
Сонирхуулахад Хятадад эмэгтэйчүүд албан хэрэгт оролцдог ч шийдвэр гаргах түвшний албанд очих нь ховор аж.
БНХАУ-д төрийн эрхийг шилжүүлэх ёслол өмнө нь нууцлаг болдог байсан. Харин өдгөө тус улс дэлхийн хоёрдогч том эдийн засаг болж, их гүрний хэмжээнд хүрсэн тул төрийн эрхийг хэн барих бол гэсэн асуултын хариултыг дэлхий дахин чих тавин чагнаж сууна.
Өнгөрсөн долоо хоногт эхэлсэн Хятадын Коммунист намын XVIII их хурлаар намын тэргүүн, цаашлаад улс орны тэргүүний албан тушаалыг Си Цзиньпинд өгөх магадлалтай байна. Их хурлын үеэр төлөөлөгчдийн аюулгүй байдлыг хангах үүднээс таксины үйлчлүүлэгчдийг цонхоо нээхийг хориглож буй бөгөөд гудамжны ил задгай худалдааг бүрэн зогсоожээ. Түүнчлэн агаарт цаасан могой, тагтаа нисгэхийг ч хориглосон гэнэ. Тэд энэ их хуралд маш их ач холбогдол өгч буй нь илэрхий байна.
Хятадын засаг төрийн ханхүү
Энэ их хурлаар улс орныг дараагийн 10 жилд удирдах хүний нэрийг зарлах нь тодорхой.
Харин байр сууриа өгч буй Ху Жинтаогийн араас “алтан залуус” буюу Мао Зедуны үеийн баатрууд болох нөлөө бүхий улстөрчдийн хүүхдүүд гарч ирж байна. Хятадууд тэднийг өөрсдөө “ханхүү нар” хэмээн нэрлэдэг. Эдгээр “ханхүү”-гийн хамгийн тод жишээ бол Си Цзиньпин юм.
Си Цзиньпиний эцэг агуу их Маотой хамт тулалдаж, коммунистууд ялсны дараа Шадар сайдын албыг хашиж байсан гэдэг. Си Цзиньпиний тухай мэдээлэл тун бага. Хятадын төр захиргаа интернэт, хэвлэл мэдээллүүдээр гарсан түүний тухай мэдээллийг нарийн хянадаг аж. Яг үүн шиг 2002 онд Зянь Зэминий залгамжлагч Ху Жинтао ч “битүү морь” байсан.
Өдгөө 59 настай Си Цзиньпиний биеийн байдал их хурлаас өмнөхөн гэнэт муудсан гэх шуугиан дэгдсэн. Тэрбээр өнгөрсөн есдүгээр сард Хиллари Клинтон нарын улстөрийн томчуудтай хийх уулзалтуудаа цуцалж, хоёр долоо хоногийн турш хэвлэл мэдээллийн “радар”-аас алга болсон. Харин удалгүй олны өмнө гарч ирэхэд нурууных нь өвчин сэдэрсэн байж болзошгүй гэсэн яриа гарсан билээ. Гэвч үүнд тэрбээр ямар ч тайлбар өгөөгүй.
Ерөнхийдөө хятадууд Си Цзиньпинийг эхнэрээр нь таньдаг гэхэд болно. Түүний гэргий, 50 настай Пэн Лиюань нь алдартай дуучин бөгөөд Хятадын ардын дууг сайн дуулж, Хятадын цагаан сард зориулсан олон концертод оролцож байсан нэгэн. Гэвч тэрбээр нөхрөө 2008 онд Хятадын орлогч дарга болсноос хойш тайзнаа гарахаа больсон юм.
Олон улсын тоймчид Лиюанийг Мишель Обаматай адил нэр хүндтэй тэргүүн хатагтай болно хэмээн таамаглал дэвшүүлж байна. Одоогоор тэрбээр хилийн чанад дахь айлчлалуудад нөхрөө дагаж явдаггүй, нууцлаг байдлаар аж төрж байгаа болохоор Си Цзиньпинээс илүү олны сонирхлыг татаж буй аж.
Улстөрийн “гүнж”
Хятадын Коммунист намын XVIII их хурлаар Улстөрийн товчооны байнгын гишүүдийн дунд анх удаа эмэгтэй хүн гарч ирж байгаа аж. Энэ бол Лю Яньдун юм. Хөдөө аж ахуйн дэд сайд асны охин тэрбээр Хятадын төрийн тэргүүн Зянь Земиньтэй ураг төрлийн холбоотой гэсэн яриа ч байдаг гэнэ.
Гуверийн хүрээлэнгийн шинжээчдийн үзэж буйгаар Хятадын улстөрийн “гүнж” болсон Лю Яньдун нь либераль үзэлтэй бөгөөд Улстөрийн товчоонд “суртал ухуулгын хатан” болох магадлалтай.
Сонирхуулахад Хятадад эмэгтэйчүүд албан хэрэгт оролцдог ч шийдвэр гаргах түвшний албанд очих нь ховор аж.
