“Эрдэнэт үйлдвэр” ХХК-ийн Монгол, Оросын хамтарсан Зөвлөлийн ээлжит 48-р хуралдаан өчигдөр болж, албан тушаалтнуудын халаа сэлгээний асуудлыг авч хэлэлцжээ.

Тус хуралдаанаар “Эрдэнэт үйлдвэр” ХХК-ийн ерөнхий захирал Ч.Ганзоригийн албан тушаалыг хэвээр үлдээж, гэрээний хугацааг нь хоёр жилээр сунгасан байна.

Харин Засгийн газраас санал болгосны дагуу “Эрдэнэт үйлдвэр” ХХК-ийн Үйлдвэрлэл эрхэлсэн орлогч З.Ганбаатарыг чөлөөлж Д.Даваасамбууг, Ерөнхий захирлын Хөгжлийн асуудал эрхэлсэн орлогч Ц.Бат-Энхийг чөлөөлж Б.Намхайнямбуу нарыг шинээр томилжээ.