МҮОХ-ноос санаачлан Монгол орны өнцөг булан бүрээр аялсан Олимпийн бамбар 21 аймгийг тойрсоор Улаанбаатар хотноо ирлээ.

Нийслэлийн дүүргүүдэд бамбар шилжүүлэх ёслолын ажиллагаанд ОУОХ-ны Хүндэт гишүүн Ш.Магван, МҮОХ-ны Дэд Ерөнхийлөгч Ц.Дамдин нар оролцсон аж. Мөн найман дүүргийн олимпийн зөвлөлийн төлөөлөл хүрэлцэн ирсэн байна.

Энэхүү бамбарыг улс орон даяар аялуулснаар Монгол орны хүүхэд залуус олимпизмийн тухай мэдлэгийг олж аван, спортоор хичээллэх хүсэл сонирхол нэмэгдэж байгаа аж.