Маргаашаас буюу энэ сарын 6-наас нийт нутгаар цочир хүйтэрнэ гэж Ус, цаг уур, орчны шинжилгээний газраас мэдээллээ. Ялангуяа зүүн аймгуудын нутгаар голын сав газраа 35-45 хэм хүрч хүйтрэнэ. Энэ сарын сүүлчээр хүйтний эрч улам чангарч, 2009 оны хүйтэн өвөл давтагдаж болзошгүй гэж цаг уурчид сэрэмжлүүллээ.

Нийт нутгийн 70 хувьд цасан бүрхүүл тогтсон ба есөн аймгийн 24 суманд өвөлжилт хүндэрч, мал бэлчээрлэх боломжгүй болжээ. Цаашдаа 16 аймгийн 54 суманд цочир хүйтрэх төлөвтэй байгаа ажээ.