АНУ-ын Азийн сан нийслэл хотын хөгжлийг дэмжиж гэр хороолол дахь нийтийн үйлчилгээний чанарыг сайжруулж, хүртээмжийг нь нэмэгдүүлэх үүднээс Австралийн Засгийн газрын санхүүжилтээр “Улаанбаатар хотын гэр хорооллын нийтийн үйлчилгээг сайжруулах” төсөл хэрэгжүүлж эхэллээ. Төслийн хүрээнд Нийслэлийн засаг дарга бөгөөд Улаанбаатар хотын захирагч Э.Бат-Үүл болон АНУ-ын Азийн сангийн Монгол дахь суурин төлөөлөгч Мелони К.Линдберг нар хамтран ажиллах санамж бичиг байгуулж, 12 сарын 10 нд гарын үсэг зурлаа. Санамж бичгийн хүрээнд АНУ-ын Азийн сан Улаанбаатар хотын захирагчийн гэр хороолол дахь ажлын албадыг байгуулах стратеги төлөвлөгөө боловсруулах, албадын чадавхийг сайжруулахад  дэмжлэг туслалцаа үзүүлэх юм.