“Архидалт мансуурлын эсрэг ассоциаци” ТББ нь архидан согтуурахтай тэмцэх чиглэлээр үйл ажиллагаа явуулж байсан 29 төрийн бус байгууллагыг нэгтгэн архины хамааралтай иргэд болон тэдний гэр бүлд нийгмийн сэтгэл зүйн тусламж үзүүлсэн, архины хамаарлаас гарч байгаа иргэдийг амьдрах ухаанд сургах, ажлын байраар хангах чиглэлээр анхаарч ажиллажээ.

“Нийгмийн дэг журам” ТББ-ын хувьд, гэмт хэргээс урьдчилан сэргийлэх, нийгмийн хэв журам хамгаалах ажилд иргэд, олон нийтийг идэвхитэй оролцуулах, өсвөр үеийнхэнг согтууруулах ундааны хэрэглээнээс ангид эрүүл аж төрөх зан үйлд сургах талаар сургалт зохион байгуулсан бол “Ламрим” ТББ нь малын хулгайн гэмт хэрэгтэй тэмцэхээр байнгын ажиллагаатай цахим сүлжээ, лавлах утас ажиллуулж байгаа юм. Мөн Хууль зүйн яамны санхүүжилтээр Эрүүгийн цагдаагийн газартай хамтран сургалт, зөвлөгөөнийг амжилттай зохион байгуулжээ.

“ЭКПАК” ТББ нь хүүхдийг бэлгийн зорилгоор ашиглах, садар самуунд уруу татах, хил дамжуулан худалдаалах, гэмт хэрэгт өртөх эрсдэлээс урьдчилан сэргийлэх чиглэлээр үйл ажиллагаа явуулдаг юм.