Үндэсний хэмжээний хамгийн олон уншигчтай 7 хоног тутмын шилдэг сэтгүүл TV ZONE сэтгүүлийн шинэ дугаар хэвлэгдлээ. Гэр бүлийн гишүүн бүрийн оюуны хэрэгцээ болсон TV ZONE сэтгүүлийн 167 дахь дугаарт уншигч таны сонирхон унших мэдээ нийтлэл, долоо хоногийн телевизийн хөтөлбөрүүд хамтдаа бий. Шинэ дугаарын хөтчөө танд хүргэе.
Энэ удаагийн дугаарын нүүр хуудсыг UBS телевизийн чадварлаг хөтлөгчдийн нэг Н.Ундрал чимлээ. Тэрээр өөрийгөө хамгийн азтай эмэгтэйд тооцдог. Чухам яагаад ингэж хэлснийг сэтгүүлийн “дугаарын зочин”-ы ярилцлага өгүүлэх болно. Энэ долоо хоногийн шинэ дугаарт олон арван онцлох мэдээ мэдээлэл багтсаны дээр сонирхол татам яриа өрнүүлсэн зочид цөөнгүй уригдсан байгаа. Тэдний нэг нь МУГЖ, ард олны хайртай уран бүтээлч Н.Дагийранз юм. Бидний сэтгэлд “Тунгалаг Тамир” киноны Цахиур Төмөрийн дуу хоолойгоор танил болсон Дагийранз гуай хуурын эгшгээр хорвоог уяраадаг авьяас билгийн ундарга болсон уран бүтээлч мөн гэдгийг TV ZONE сэтгүүлийн “Танилцах ярилцлага” батлах болно.
“Загасан нүд” олон улсын кино, телевиз сонирхогчдын наадмыг зохион байгуулагчид фестивалийн талаар дэлгэрэнгүй мэдээлэл өгсөн байгаа. Загасан нүд фестиваль энэ удаад Монгол улсад зохион байгуулагдах бөгөөд шагналын сан тун өндөр гэдгийг зохион байгуулагчид TV ZONE сэтгүүлээр дамжуулан дуулгаж байна. Та энэ наадамд бүтээлээ сойхоор камераа аваад гарах гэж байгаа бол дэлгэрэнгүй мэдээллийг зөвхөн TV ZONE сэтгүүлээс уншаарай.

МУГТ, Далай аварга Агваансамдангийн Сүхбатыг өнцөг бүрээс нь ажвал хэрхэн харагддаг гэдгийг оддын шар хуудаснаас уншаарай. Ирэх жил болох УИХ-ын сонгуульд хэн хэн гэдэг олны танил эрхмүүд нэр дэвшихээр болсон, Асашёорюү Д.Дагвадорж  аархсаар байгаа  тухай сонирхол татам мэдээллүүдийг шар хуудаснаас уншаарай. Энэ дугаарт дэлхийн хамгийн баатарлаг нохдыг танилцуулж байна. Мөн хөлбөмбөг сонирхогчдод хүргэх спортын мэдээллүүд хүүхэд залуусын анхаарлыг эрхгүй татах биз ээ.
Асуудлын гарцад сэтгүүлчийн эрэл хийдэг “Энэ сэдвээр” буланд “Өнгөрсөн борооны хойноос” гэсэн гарчиг бүхий нийтлэл гарчээ. Нийслэлийн иргэд үргэжлэн орох их ус борооны улирлыг хэрхэн хохирол амсахгүй давах, автозамын ус зайлуулах хоолой, борооны ус зайлуулах худаг шуудуу болон үерээс урьдчилан сэргийлэх арга замыг сэтгүүлч эрэлхийлжээ. Ганган дэгжин байдлыг эрхэмлэгч охид залуустаа энэ зун, намрын загварын чиг хандлага хэрхэн өөрчлөгдөж байгаа тухай сэтгүүлийн шинэ дугаарт багтжээ. Америкийн ерөнхийлөгч агсан Жон Кеннедийг хэн буудсан тухай тун сонирхолтой баримт TV ZONE сэтгүүлд нийтлэгдсэн байна.
TV ZONE сэтгүүл “Цэнхэрийн ертөнц” гарчиг доор уншигч таныг үзэсгэлэнт Фижи арлаар аялуулах болно. Оюун цэнгээх онигоо, ухаан тэлэх үгийн сүлжээ, судоку, шидэт зураг, ашигтай хэрэгтэйгээ олж авахад тань туслах зар гээд уламжлалт булангуудаа ч та бүхний оюуны хэрэгцээнд зориулж байна.
Гэр бүлийн гишүүн бүрт TV ZONE сэтгүүл аз дагуулах болно.