Нийслэлийн Засаг дарга бөгөөд Улаанбаатар хотын захирагч Э. Бат-Үүл 2013.01.09 –нд Турк улсын агаарийн тээврийн “Airlines” компанийн ерөнхий менежер Erdinc Cakiriig хүлээн авч уулзлаа. Тэрбээр “Монгол Улсын түүхэнд хувь нэмэр оруулсан хүн байна. Иймд таньд хүндэтгэлтэй хандаж өөрийн биеээр ирж уулзаж  байна” хэмээн хэлж уулзалтын салхийг хагаллаа. Нийслэлийн Засаг дарга хүндэтгэлтэй хандаж байгаад талархал илэрхийлэв.

Турк улсын Станбул хот нь  дахин төлөвлөлт хийж орчин үеийн орон сууцны хороолол болгосон туршлагатай аж. Станбул хотыг дахин төлөвлөсөн  туршлагыг нийслэлийн гэр хороооллыг дахин төлөвлөх гэж байгаа үед судлах нь маш чухал гэж  Улаанбаатар хотын захирагч Э.Бат-Үүл тэмдэглэн хэлэв.

 Улаанбаатар хотын гэр хорооллыг орон сууцжуулахгүйгээр одоо нүүрлээд байгаа утаа, хөрсний бохирдолыг шийдвэрлэх ямар ч  боломж байхгүй. Иймд гэр хорооллыг дахин орон сууцжуулах ажилд Туркын хөрөнгө оруулагчдыг татан оролцуулахад дэмжлэг үзүүлэхийг хүслээ. Нийслэлийн Засаг дарга бөгөөд Улаанбатар хотын Захирагчид зочин компанийхаа таних тэмдэг бүхий онгоцны загварыг дурсгал болгон  гардууллаа.