Монгол Улсын Ерөнхийлөгчийн зарлигаар усан могой жилийн сар шинийн босгон дээр төрийн одон медаль хүртсэн зарим хүмүүст Барилга, хот байгуулалтын сайд Ц.Баярсайхан шагналыг нь гардуулан өглөө.

 Барилгын салбарт  1970-2007 оны хооронд ажиллаж,  эдүгээ гавьяаны амралтаа эдэлж байгаа ахмад ажилтан Ч.Баатарсүрэн Хөдөлмөрийн гавьяаны улаан тугийн одонгоор, БХБЯ-ны Хот байгуулалт, газрын харилцааны бодлогын хэрэгжилтийг зохицуулах газрын  ахлах мэргэжилтэн П.Энхээ  Алтан гадас одон,  БХБЯ-ны Стратегийн бодлого төлөвлөлтийн газрын ахлах мэргэжилтэн Б.Оюунчимэг Хөдөлмөрийн хүндэт медалиар  тус тус шагнууллаа.

Төрийн шагнал хүртсэн хүмүүстээ болон барилгын салбарын нийт хамт олондоо Барилга, хот байгуулалтын сайд Ц.Баярсайхан ирж буй усан могой жилдээ амжилт бүтээлээр дүүрэн, эрүүл энх байхыг хүсэн ерөөлөө.