Хууль зүйн яаманд 2013 оны 1 дүгээр сард иргэдээс биечлэн болон шуудангаар 112 өргөдөл, гомдол ирүүлсэн байна.
Үүнээс өнөөдрийн байдлаар 53 өргөдлийг эцэслэн шийдвэрлэн иргэнд хариу өгч, 59 өргөдөл хяналтад байна.
Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн 15 дугаар зүйлийн 2-т заасны дагуу шууд шийдвэрлэх боломжгүй бөгөөд удаан хугацаанд шийдвэрлэгдэх асуудал /нийгмийн асуудал шийдвэрлүүлэх, орон сууцтай холбоотой гэх мэт/-аар гаргасан 3 хүсэлтийг харъяалах байгууллагад уламжилан, 1 өргөдлийг тусгай бүртгэлд бүртгэж, хяналтад авсан.
Тус яаманд ирүүлсэн өргөдөл, гомдолд дурдсан асуудал бүрд холбогдох ажиллагаа, дүн шинжилгээ хийж, шаардлагатай тохиолдолд хариуцсан албан тушаалтнууд болон сайдын эрхлэх асуудлын хүрээний агентлаг, байгууллагууд, бусад байгууллагуудаар шалгуулан, баримт материалыг гаргуулан авч, шийдвэрлэлтэнд хяналт тавьж, хэрхэн шийдвэрлэсэн тухай хариуг өргөдөл гаргагчид мэдэгдэн өргөдөл, гомдлыг эцэслэн шийдвэрлэж байна.
Шинэчлэлийн Засгийн газрын санал хүсэлт хүлээн авах 11-11 төвөөс тус хугацаанд Хууль зүйн яаманд талархал 1, санал хүсэлт 89, гомдол 9, шүүмжлэл 13 нийт 112 иргэд хандсаны 73 хүсэлтэд цаг тухайд нь хариу өгсөн. Нийт ирүүлсэн санал хүсэлтийг төрлөөр ангилбал цагдаагийн байгууллагын үйл ажиллагаа, цагдаагийн албан хаагч, шүүхийн шийдвэр гүйцэтгэх ажиллагаа, шүүхийн байгууллагын үйл ажиллагаа болон хуулийн хэрэгжилт, Төрийн тусгай албан хаагчдын нэгдсэн эмнэлэг, цаг үеийн байдалтай холбоотой асуудал дийлэнх хувийг эзэлж байв.
Өргөдөл, гомдлын агуулга бүтцийн судалгааг гарган хавсаргав.

Хууль зүйн яаманд ирсэн өргөдөл,
гомдлын агуулга, бүтцийн судалгаа

Огноо: 2012/12/26-2013/01/25