Монголын Аялал Жуулчлалын Холбооноос жил бүрийн 3 дугаар сард уламжлал болгон зохион байгуулдаг аялал жуулчлалын "International Travel Mart -2013" үзэсгэлэн болох гэж байна. 2012 оноос ITM болон ITF үзэсгэлэнг нэгтгэн Монголын Аялал Жуулчлалын Холбоо, Аялал Жуулчлалын Үндэсний Төвтэй хамтран зохион байгуулж байгаа билээ. ITМ-2013 үзэсгэлэнгээ 2013 оны 3 дугаар сарын 23-24-ны өдрүүдэд Мишээл Экспо төвд уламжлал ёсоор зохион байгуулах гэж байна. Үзэсгэлэнгийн бүртгэл 2013 оны 2 дүгээр сарын 19-наас албан ёсоор эхэлж байгаа бөгөөд 2013 оны 3 дугаар сарын 15-ны өдрийг дуустал үргэлжилнэ.