Тус албаны үйл ажиллагаатай танилцахад Онцгой байдлын ерөнхий газрын дарга, онцгой байдлын хурандаа Т.Дуламдорж, дэд дарга, онцгой байдлын хурандаа Т.Бадрал, Тамгын газрын дарга, онцгой байдлын дэд хурандаа Д.Алтангэрэл, Гамшиг судлалын хүрээлэнгийн захирал, онцгой байдлын хурандаа Б.Баяржаргал, Аврах тусгай ангийн захирагч, онцгой байдлын хурандаа Д.Чинзориг, Автобаазын дарга, онцгой байдлын  хурандаа Ц.Отгондорж болон даргын зөвлөлийн гишүүд байлцав.

   Энэ үеэр ОБЕГ-ын дарга, онцгой байдлын хурандаа Т.Дуламдорж онцгой байдлын албаны үйл ажиллагаа болон тус албаны эрх зүйн орчны шинэтгэлийн талаар Байнгын хорооны гишүүдэд товч танилцуулгав. Мөн Байнгын хорооны гишүүд 2013 онд УИХ-аар хэлэлцүүлэхээр бэлтгэж буй эрх зүйн баримт бичгийн талаар харилцан санал солилцож, тус газрын Гамшиг судлалын хүрээлэн, Аврах тусгай анги, Онцгой байдлын албанд ашиглаж байгаа техник хэрэгслэл, эрэн хайх, аврах тусгай багаж хэрэгсэлтэй танилцлаа гэж Байнгын хорооны ажлын албанаас мэдээлэв.