Бүх зүйлийг урвуугаар хийж байгааг маш цэвэрхэн харуулсан  2 минут 45 секундын  дүрс бичлэг сүүлийн үед интернетийн ертөнцөд шуугиан тариад байна. Даваа гаригаас олон нийтийн сүлжээ, сайтуудад тавигдаж эхэлсэн уг бичлэгийг одоогийн байдлаар нэг сая гаруй хүн үзэж сонирхоод байгаа юм. Бичлэг дээр гарч байгаа залууг Мессе Копп гэдэг бөгөөд тэрээр өөрөө уг дүрс бичлэгийг санаачлан хийжээ. Зураг авалтыг Израйлийн нийслэл Иерусалим хотын гудамжинд авсан байна. Асгарсан ус буцаад хувин руугаа, оргилуун дарс шилэн лонх руугаа орж байгаа зэрэг хачирхалтай олон үйл явдлуудыг нягт нямбай харуулснаараа олны анхаарлыг татаад байгаа юм. Та бүхэн магадгүй энэ дүрс бичлэгийг хийхэд хэр их хугацаа зарцуулсан бол гэж бодож байж болох юм. Гэвч хачирхалтай нь ердөө хоёрхон цагийн дотор энэхүү бичлэг бүтээгдсэн байна. Өөрөөр хэлбэл хоёр дахь удаагийн оролдлогоор бүх зураг авалтуудаа дуусгажээ. Үйл явдлуудыг уруугаар нь ямар ч өө сэвгүй харуулсан энэхүү дүрс бичлэгийг одоо та бүхэн хүлээн авч үзнэ үү.


Д.Амар