Тун удахгүй таван айлын амьдралыг харуулсан “Усны гудамж” олон ангит кино үзэгчдийн хүртээл болно. Тус бүтээлээр сүүлийн хэдэн жилд Монгол орны улс төрийн амьдрал, түүхэн хүмүүсийн намтрыг ихээхэн судалж, монгол ахуйгаа түлхүү харуулахын зэрэгцээ өнөөгийн нийгэмд болж буй бүхий л үйл явдлыг тусгасанаараа онцлог ажээ. 

30 ангит уран сайхны киноны нэг гэр бүлд Төрийн соёрхолт, Гавьяат жүжигчин Ц.Төмөрбаатар тоглож байгаа бол эхнэрт нь Дарханы жүжигчин бүсгүй, харин хүүд СУИС-ын хоёрдугаар курсын оюутан болох жүжигчин Д.Бямбацогтын хүү тоглож байгаа аж. Түүнчлэн гэр бүлийн амьдралыг харуулсан кино учир бүх насны дүрүүд тоглож байгаагаас гадна жүжигчин Г.Равдан, дуучин Д.Болд зэрэг олны танил эрхмүүд өөрийн нэрээрээ амьд харьцааг холбосон хэсгүүдэд тоглох гэнэ.

Киноны уран бүтээлчид эхний ээлжинд 30 ангийг нь дэлгэцэнд гаргахаар төлөвлөж байгаа бөгөөд цаашид хязгааргүй, Европын сериалууд шиг үргэлжлүүлэн хийсээр байх зорилт тавиад байгаа юм байна.

Ц.Од