“A-Capella” хамтлагийн залуус эргэн нэгдэх уран бүтээлийнхээ ажилд шаргуу орох гэж байна. Тэд хамтлагийнхаа нэрээр интертайнмент чиглэлийн студи байгуулж, дуу хөгжим, тайз, дэлгэцийн урлагт хүч сорихоор зэхээд байгаа гэнэ. Дуу, клип, кино, жүжиг, мюзикл гээд урлагийн бүхий л төрлөөр уран бүтээл туурвих хамтлагийнхан ирэх намар шинэ киногоор студийнхээ нээлтийг хийх аж. АНУ-д найруулагчийн мэргэжлээр суралцаж байгаа Б.Одбаяр удахгүй сургуулиа төгсөнө. Мөн хамтлагийн залуус дуучин, жүжигчин болон зураглаач, инженер техникийн ажилтан гээд шинэ уран бүтээлчдээр студидээ бүл нэмэхээр төлөвлөж байгаа сурагтай.

Ц.Од