Английн алдарт хөлбөмбөгчин David Beckham энэ улиралыг дуусгаад зодог тайлах болсоноо албан ёсоор зарлалаа. Тэрээр хөбөмбөгтэй холбогдсон цагаасаа эхлэн европын топ клубүүдэд тоглож гайхалтай олон олон амжилтын эзэн болсон.  Beckham анх 1996 онд 17 насандаа алдарт Манчестер Юнайтед клубын хамтаар премьер лигт түрүүлж байсан юм. Үүний дараагаар 1997,1999,2000,2001,2003 онуудад мөн улсынхаа аварга болж байжээ. Харин AF cup-хоёр удаа түрүүлж байжээ. Тэрээр Манчестер Юнайтедын бүрэлдэхүүнд орж тоглохдоо 1999 онд Аваргуудын лигт түрүүлсэн. Энэ бол түүний карьерын түүхэн дэх цорын ганц Аваргуудын лигийн цом юм. David Beckham 2003 оноос Испанийн эзэн хааны Реал Мадрид клубын бүрэлдэхүүнд тоглож эхэлсэн. Энэ хугацаанд 2007 онд Ла лигт түрүүлж байсан аж. 1990-ээд оны дунд үеэр Англиас тодорсон хурц оддын нэг энэхүү агуу тоглогч 2000-2004 онуудын хооронд Английн хамгийн их ашиг орлоготой тамирчинаар тодорч байсан юм. Мөн реклам зар сурталчилгаагаар маш их орлого олдог нэгэн юм. Өнгөрсөн өвлийн наймааны цонхоор Францын PSG клуб-д 5 сарын гэрээ байгуулан ирсэн тэрээр энэ хугацаанд авах өөрийн цалингаа асрамжийн төвийн хүүхдүүдэд хандивласан билээ.  Тэрээр нийт карьердаа 718 тоглолтонд оролцож 129 гоол оруулаад байгаа бөгөөд энэ цаг үеийн агуу тоглогчдын нэгд зүй ёсоор тооцогддог юм.