“ICT EXPO 2013” үзэсгэлэнгийн нээлтэнд оролцсон Ерөнхий сайд Н.Алтанхуяг болон УИХ -ын гишүүн Л.Эрдэнэчимэг, Ерөнхий сайдын зөвлөх Д.Батбаяр нар Монголын Сайтын холбооны үзэсгэлэнтэй танилцлаа. Тэд энэ үеэрээ Сайтын холбооны уран бүтээлчдэд амжилт хүсч, баяр хүргэсэн юм. Дашрамд сонирхуулахад “ICT EXPO 2013” үзэсгэлэн зөвхөн мэргэжлийн хүмүүст хамааралтай биш бөгөөд сүүлийн үеийн технологийн хөгжил ямар түвшинд явж байгаа, мэдээллийн сайтуудын уншигчдад мэдээлэл хүргэх хурд, чанар хэрхэн сайжирсан, ямар загварын гар утас шинээр нэвтэрсэн гэх мэт   техник технологитой холбоотой мэдээллийг иргэдэд нээлттэй өгч байгаа юм.