ун цаг ирлээ. 2013 оны 5-н сарын 25-26-нд Цонжин болдог дахь Чингэс хааны морьт хөшөөний хажууд “УУ БУЛАН” хэмээх амралтын газар “МОНГОЛЫН ЧОППЕРЧИН АХАН ДҮҮС ХОЛБООНЫ” 2013 оны зуны улирлын нээлтийн арга хэмжээ болно. Уг арга хэмжээнд Инпайяр, Нисванис, Файяр, А соунд, Булсара, дуучин Наран, Рок Мөнхсайхан, Цой Төмөрөө, Харангын Лхагва гэх мэт дуучид оролцох бөгөөд шинэ залуу амьд хөгжмийн хамтлагууд ирж тоглох боломжтой юм байна. Тэдэнд энэхүү арга хэмжээний тайз нээлттэй байх тул амьд хөгжим сонирхогч, чоппер болон мотоцикл сонирхогчдод уран бүтээлээ сонсгох сайхан боломж олдож байна.
Уг арга хэмжээ нь жил болгон уламжлал болон явагдах бөгөөд энэ жилийн ерөнхий ивээн тэтгэгчээр Ямаха брэнд, мэдээллийн ивээн тэтгэгчээр Монголын Сайтын Холбоо хамтран ажилллахаар болжээ. Мөн хамтран ажиллах бусад байгууллагуудтай ч түншлэхэд бэлэн байгаагаа тус холбооныхон мэдэгдэж байна.
Зуны дэлгэр цагт, байгалийн сайханд зохион байгуулагдаж байгаа эрх чөлөөний илэрхийлэл болсон уг арга хэмжээг үзэж сонирхохыг хүссэн залуучууд, иргэд майхантай очин отоглож болох бөгөөд арга хэмжээний үеэр худалдаа наймаа хийх сонирхолтой иргэд аж ахуйн нэгжийг өргөнөөр хамрагдана уу? хэмээн “Монголын чопперчин ахан дүүс” холбооныхон урьж байна.
Анжигай.Г
