"Хайрлая, хүндлэе, инээмсэглэе" уриан дор зохион байгуулсан "Universe Best Songs 2013" уралдааны шилдгүүд тодорлоо. Тав дахь жилдээ болсон тус наадмын онцлог нь оролцогчид дэлхийн шилдэг уран бүтээлийг эх хэл дээр нь, өөр өөрсдийнхөөрөө дуулж үзэгчдийн хүртээл болгодог билээ. Энэ удаагийн  "Universe Best Songs-2013" наадмын сүүлийн шатанд шилдэг 16 оролцогч тунан үлдээд байснаас наадмын гран-при шагналын эзнээр Б.Эрдэнцэцэг тодорсон юм. Тэрбээр “Гала” тоглолтод дуучин Бейонсигийн “Listen” дууг чадварлаг дуулсан. Харин хоёрдугаар байрт А.Уянга, гуравдугаар байрт Б.Очирбат болон Ан Жи Хён Дөлгөөн нар шалгарлаа. Тэмцээний хөндлөнгийн шүүгч “Гурван охин” хамтлагийн Соло Ан Жи Хён Дөлгөөнд хамтлагтайгаа хамтарч уран бүтээл хийн, клип хийлгэх эрхийг гардуулсан юм.