Хан-Уул дүүргийн Иргэдийн Төлөөлөгчдийн Хурлын Өргөдөл гомдлын хорооноос дүүргийн 2, 3-р хорооны иргэдэд тулгамдаж буй асуудал болох “Нэхмэлийн шар” гэх тодотголтой байрнуудын дахин төлөвлөлтийн талаар иргэд, аж ахуйн нэгж байгууллагуудын саналыг сонсох зорилгоор Нээлттэй сонсгол зохион байгууллаа. Нээлттэй сонсгол 2013 оны 5 дугаар сарын 22-ны өдөр Хан-Уул дүүргийн Засаг даргын Тамгын гзрын Хурлын танхимд болсон бөгөөд дүүргийн Иргэдийн Төлөөлөгчдийн Хурлын Өргөдөл гомдлын хорооны дарга Н.Отгонбаяр, Иргэдийн Төлөөлөгчдийн Хурлын Тэргүүлэгчдийн Ажлын албаны дарга Б.Бас-Оргил болон Төлөөлөгчид, тус хорооны оршин суугчид, барилгын компаниудын төлөөлөл оролцож санал бодлоо солилцлоо.