Уэльсийн хунтайж Чарльз энэ сарын 28-30-нд Арменид айлчлахаар болжээ. Энэхүү айлчлал нь хатан хааны гэр бүлийн гишүүний хийх анхны айлчлал болох  аж. Тэрбээр “Ереван, миний хайр” гэдэг буяны сангийн шугамаар зочлох юм байна. Тус сан Армений нийслэлийн уран барилга, дурсгалын өвийг хадгалах, сэргээх, хөгжлийн бэрхшээлтэй хүүхэд, залуучууд, ядуу зүдүү айл өрхийн амьдралын түвшинг сайж руулахад үйл ажиллагаагаа чиглүүлдэг гэнэ.

Хунтайж Чарльз, Армений Ерөнхий сайд, Их Британид суугаа элчин сайдаар ажиллаж байсан Армен Саркисян нар Ереванд тус сангийн хүрээнд буяны ажил эрхэлдэг юм байна. Уэльсийн хунтайж энд айлчлах үедээ ЮНЕСКО дэлхийн соёлын төв хэмээн хүлээн зөвшөөрсөн эртний гар бичмэлүүд хадгалдаг байрыг үзэж сонирхох аж. Перс, араб, япон, орос болон иврит хэл дээрх эртний гар бичмэлүүд энд байдаг юм байна.