Залуусыг хэзээний өөрийн гэсэн өвөрмөц дуу, өнгө төрхөөрөө байлдан дагуулж чадсан, Монголын урдаа барьдаг хип хоп хамтлагуудын нэг бол Татар хамтлаг билээ. Анх 2003 онд уран бүтээлээ туурвиж эхэлсэн “Татар” хамтлаг маань энэ жил 10 нас хүрч байгаа аж. Нэг хэсэгтээ л уран бүтээлээ завсарлаад байсан ч тэд  эргэн уран бүтээлийн ажилдаа ханцуй шамлан  орсон байна. Тэд эх үрсийн баярт зориулж зургадугаар сарын 2-нд хүүхдийн паркад 10 жилийн ойн баярын тоглолтоо хийх бөгөөд өнөөдөр “Татар” хамтлаг бүх дүүргүүдээр явж өөрсдийн фен клубээ нээх юм байна.