Түүхэнд анх удаа Эрэн сурвалжлах сэтгүүлчдийн олон улсын консорциум (ЭССОУК) нийт 10 оффшор бүсийн нууцаас дэлгэхэд туслах зорилгоор “Оффшор нууц мэдээллийн сан”-г олон нийтэд Олон нийтэд зарлав. Оффшор нууц мэдээллийн сан руу дараах линкээр орж, /http://thecenterforpublicintegrity.cmail5.com/t/t-l-ztkkjt-pdkkiklk-g/ оффшор бүсийн олон мянган нууц компани, сан болон итгэмжлэсэн компаниудын мэдээллээс хайлт хийж, оффшор компаниуд, тэдний жинхэнэ эзэн, сүлжээний талаар мэдээлэл олж авах боломжтой аж.
Энэхүү мэдээллийн сан нь ЭССОУК, 58 улс орны 112 сэтгүүлчидтэй хамтран шинжилгээ хийсэн оффшор бүсийн 2.5 сая нууц файлын нэг хэсэг гэж тус байгууллага мэдэгдэж байна.
Өнгөрсөн 4 дүгээр сараас хойш ЭССОУК-ийн оффшор бүсийн нууцын талаар олж авсан энэхүү материалд үндэслэн дэлхий дахинд 40 гаруй хэвлэл мэдээллийн байгууллага, үүний дотор Guardian, Le Monde, Sьddeutsche Zeitung, Norddeutscher Rundfunk, Washington Post, Canadian Broadcasting Corporation хэвлэл мэдээллийн нэр нөлөө бүхий байгууллагууд мэдээ, нийтлэл гаргасан ажээ.

М.Тодбэх