Гандийн гудамжны уулзвараас баруун тийш Энхтайвны гүүрэн доогуурх 500 метр замын хөдөлгөөнийг өнөө өглөө нээж,  тээврийн хэрэгслийг нэвтрүүлж эхэллээ. Петровис шатахуун түгээх станцын уулзвар хүртэлх энэ замд зөвхөн суурь хучилт хийсэн бөгөөд уулзвараас баруун тийш 19-р хорооллын үйлчилгээний төв хүртэлх 840 метр замыг хаагаад байна. Энэ хэсэгт суурийн нягтруулалтын ажил хийж байна. Цементээр бэхжүүлсэн суурийг өнөөдрөөс хийх юм гэж Нийслэлийн Автозамын газраас мэдээллээ.