Монгол Улсын Ерөнхийлөгчийн тангараг өргөх хүндэтгэлийн ёслолын арга хэмжээ өндөрлөлөө. Гурван хэсгээс бүрдсэнэнэхүү ёслолын эхэнд сүүлийн хэдэн жилд уламжлал болон тогтсон “Төрийн далбааг мандуулах өдөр”-т зориулсан Төрийн далбааг мандуулах хүндэтгэлийн ёслолоор эхлэж Монгол үндэсний бахархал болсон бүжиг болон урлагийн тоглолт болсон юм. Харин хоёрдугаар хэсэг буюу УИХ-ын Хүндэтгэлийн  чуулган эхэлснээр Монгол Улсын Ерөнхийлөгч Цахиагийн Элбэгдорж хоёр дахь бүрэн эрхээ хэрэгжүүлэх тангарагаа өргөж, тэрээр Монгол Улсын Ерөнхийлөгч ард түмнээсээ сонгогдсон гэдгийн илэрхийлэл болгож ард иргэдийн төлөөлөлөөс үг хэлэх боломж олгосон юм.  Харин гуравдугаар хэсэгт, Монгол Улсын Ерөнхийлөгч Ц.Элбэгдорж Зэвсэгт хүчний Ерөнхий командлагчийн хувьд хүндэтгэлийн дээл, ууж өмсгөлөө ёслолын хослолоор сольж өмсөж гарч ирснээр цэрэг, армийн парад жагсаалийн рапортийг Батлан хамгаалахийн сайд Д.Бат-Эрдэнээс хүлээн авч нийслэлийн хүрээний бүх цэрэг, армиас бүрдсэн цэргийн парадаар Төрийн далбааны өдөрт болон Ерөнхийлөгчийн тангараг өргөх ёслол, Үндэсний баяр наадамд хүндэтгэл үзүүлсэн юм. Ийнхүү Ерөнхийлөгчийн тангараг өргөх ёслол гадаадад дотоодын иргэдийн нүдийг хужирлаж байсан юм.