Өнөөдөр Хүй долоон худагт уяачдын наадам болж буй. Энэ өдөр эрлийз морьдын уралдаан болдог. ММСУХ-ны шийдвэрийн дагуу эрлийз морьдыг тусад нь уралдуулдаг болоод байгаа.

Тэгвэл өнөөдрийн  эрлийз дээд  насанд 50 гаруй хурдан хүлэг уралдснаас  Төв аймгийн Сэргэлэн сумын уугуул, аймгийн Алдарт уяач Ч.Ган-Очирын хүрэн үрээ түрүүлсэн бол  амар хүзүүнд  Говь-Алтай аймгийн шарга сумын уугуул, Монгол улсын Тод манлай уяач Х.Бат-Эрдэнийн  сартай хээр орлоо.

Харин айргийн гуравт  Говь-Алтай аймгийн Жаргалан сумын уугуул А.Ариунсайханы зээрд дөрөвт Хэнтий аймгийн Дархан сумын уугуул, Монгол улсын Алдарт уяач У.Буяндэлгэрийн  бор тавд Хөвсгөл аймгийн Тариалан сумын уугуул аймгийн Алдарт уяач Д.Бадрахын хээр халзан орсон байна.

Харин яг одоо эрлийз дунд насны морьд баринаас гарааны зурхай руу хөдөлж байна. Эрлийз дунд насанд 74 хурдан хүлэг шандас сорихоор бүртгүүлжээ.