Сочид болох Өвлийн олимпийн XXII наадам эхлэхэд 200 хүрэхгүй өдөр үлдээд байна. Тус Олимпийн наадмын  нээлтийн ёслол 2014 оны хоёрдугаар сарын 7-нд Сочи хотын Олимпийн хотхон дахь "Фишт" цэнгэлдэх хүрээлэнд  болох юм. Тус наадмыг зохион байгуулах хорооны мэдэгдсэнээр, 17 өдөр үргэлжлэх олимпийн  наадамд тамирчид 98 багц медалийн төлөө өрсөлдөх бөгөөд спортын 12 шинэ төрлийг нэмж оруулсан байгаа гэлээ. Хөгжил дагуулсан олимпийн наадам дуусаны дараа Сочи хот 360 км шинэ автомашины зам болон гүүр, 16 км-ын урттай, төмөр замын 54 гүүр, төмөр замын 200 км гаруй урт шинэ замтай болсон байх ажээ.