Монголын сэтгүүлчдийн их хурал энэ сарын 27-ний өдөр болох нь.  Энэ талаар МҮОНРТ-ын захирал Ц.Оюундарь, ТВ5 телевизийн сэтгүүлч, ерөнхий редактор Э.Дагиймаа, NBS телевизийн тоймч С.Наранбаатар, сэтгүүлч Б.Галсансүх нар өнөөдөр хэвлэлийнхэнд дуулгалаа. Их Хурал Татварын ерөнхий газрын хурлын танхимд 10.00 цагт эхлэх ажээ. сэтгүүлчдийн их хурал болох гэнэ.
Тэд их хурлаар сэтгүүлчдийн эрх зүйн орчны тухай болон ажиллах нөхцөл, цалин,  хангамж зэрэг асуудлыг хэлэлцэнэ хэмээн хэллээ. Хуралд 150 төлөөлөгчөөс гадна 100 хүн урилгаар оролцох ажээ. Хэвлэл мэдээллийн байгууллага дотроо ярилцан нийт сэтгүүлчдийнхээ 20 хувийг  оролцуулах зарчимтай юм байна. Хурлын төлөөлөгч Монголын сэтгүүлчдийн нэгдсэн эвлэлийн гишүүн байх албагүй аж. Гол нь сэтгүүлчээр ажиллаж буй бүх хүн өөрсдийнхөө ирээдүй, эрх ашгийн төлөө дуу хоолойгоо нэгтгэхэд байгаа гэнэ.
Shuum.mn