Өмнөд Солонгосын Samsung компани шинэ загварын "Galaxy Note" ухаалаг гар утас болон таблет, ухаалаг цаг зэрэг бүтээгдэхүүнүүдээ ирэх 10-р сард АНУ-ын зах зээлд гаргана гэж мэдээллээ. AT&T, Sprint, T-Mobile, Verizon Wireless болон U.S. Cellular компаниуд "Galaxy Note 3" утсыг худалдахаар болсон байна. Тухайлбал AT&T компани "Note 3" –ийг 2 жилийн гэрээ байгуулж 299 ам.доллараар худалдана гэж мэдэгджээ. Мөн үүрэн утасны зарим оператор компаниуд "Galaxy Gear" ухаалаг цагийг зарна.

Үүнээс гадна жижиглэн худалдааны салбарын аварга компаниуд болох Best Buy, Amazon.com, RadioShack болон Wal-Mart –аас Samsung –ийн шинэ ухаалаг гар утас, ухаалаг цагийг худалдан авч болох нь ээ.