Жүжигчин Камерон Диас Нью-Йоркийн Манхэттэнд 222 метр кв талбайтай тансаг орон сууц худалдан авчээ. Тэрээр ELLE DЙCOR сэтгүүлд өгсөн ярилцлагадаа "Энэ сууцанд өнгө хэрэгтэй гэдгийг би мэдсэн. Зочны өрөөний сарнайн дэлбээн өнгөтэй ханын цаас, гөлгөр хананууд зэрэг нь торгоор доторлосон тансаг эдлэлийн хайрцганд амьдарч байгаа шиг л мэдрэмжийг төрүүлдэг. Энэ нь миний өнгөлөг, тод зүйлсийг шүтдэгтэй холбоотой. Гэхдээ би гэрээ маш тохилог болгохыг хүссэн" хэмээн ярьсан байна.
Диазын өрөөнүүдээс металыг санагдуулам, цоохор шилэн чимэглэл зэрэг нарийн деталиудыг харж болохоос гадна ариун цэврийн өрөөнийх нь дотоод засал маш тансаг ажээ. Диас "Эргэн тойронд минь миний хувьд ач холбогдолтой зүйлс байдаг. Энэ чинь л гэр шүү дээ" гэж сэтгүүлийн сурвалжлагчид ярьсан байна. 41 настай жүжигчний хувьд эд зүйлсээ хадгалах хангалттай зай гэрт нь байна. Жишээ нь түүний тансаг ариун цэврийн өрөөнд олон шургуулгатай тавилгыг байрлуулжээ. Тиймээс түүнд гоо сайхны маш олон бүтээгдэхүүн байдаг нь гарцаагүй биз ээ.

РАЛЬДИЙ.А /shuum.mn/