Долоо хоног бүрийн Даваа гарагт хуралддаг “Бүтээн байгуулалтын цаг” хуралдааны үеэр Ерөнхий сайд нийслэлийн удирдлагуудаас Нисэхийн цагаан хаалгыг буулгасан  тайлбарыг сонслоо. Цагаан хаалга 1957 онд баригдсан бөгөөд Яармагийн гүүрээс нисэхийн товчоо хүртэлх 13.7 км замын ажлын  зурагт орж байгаа учраас НИТХ-аас  нураах шийдвэр гаргасан. Энэ хаалгыг Хөшигийн хөндийд барих олон улсын нисэх буудлын авто замын дагуу Айдасын даваа орчимд дахин барина хэмээн ярьж байсан боловч НИТХ-аас  дахин барихгүй байхаар шийдвэрлэсэн гэв.