Алдарт Форбес сэтгүүл 2013 оны хамгийн нөлөө бүхий эмэгтэйчүүдийн жагсаалтыг танилцууллаа. Энэ жагсаалтыг Европын хамгийн том эдийн засагтай улс болох ХБНГУ-ын канцлер Ангела Меркель тэргүүлсэн байна. Тэрээр дөрөв дэх жилдээ дараалан нэр хүндтэй жагсаалтыг тэргүүлж байгаа нь энэ аж.

Удаах байрт Бразилын ерөнхийлөгч Дилма Руссеф орсон бол 3-рт Энэтхэгийн Үндэсний Конгрессийн тэргүүн Соня Ганди бичигдсэн байна. Харин өнгөрсөн жил хамгийн нөлөө бүхий эмэгтэйчүүдийн жасаалтад аман хүзүүдэж байсан, АНУ-ын төрийн нарийн бичгийн дарга асан Хиллари Клинтон 5-рт эрэмбэлэгджээ.  Түүний өмнө Нэгдсэн Улсын тэргүүн хатагтай Мишель Обама орсон байна. Сонирхуулахад  дэлхийн хамгийн нөлөө бүхий 10 эмэгтэйн 5 нь улс төрчид байгаа юм.

Форбес сэтгүүл дэлхийн хамгийн нөлөө бүхий удирдагчаар энэ жил хойд хөршийн ерөнхийлөгч Владимир Путиныг  нэрлээд байгаа юм. Түүний араас АНУ-ын ерөнхийлөгч Барак Обама, урд хөршийн төрийн тэргүүн Ши Жинпинь нар бичигджээ.

РАЛЬДИЙ.А /shuum.mn/