Төсвийн байнгын хорооны хуралдаан өнөөдөр / 2013.11.15 / үдээс өмнө хуралдаж “Монгол Улсын 2014 оны төсвийн тухай хууль батлагдсантай холбогдуулан авах зарим арга хэмжээний тухай” Улсын Их Хурлын тогтоолын төслийн эцсийн хэлэлцүүлгийг хийлээ.

Байнгын хорооны хуралдаанд анхны хэлэлцүүлгийн үед олонхийн дэмжлэг авсан саналыг тусгасан төслийг танилцууллаа. Танилцуулгатай холбоотой асуулт гараагүй тул эцсийн хэлэлцүүлгийг чуулганы нэгдсэн хуралдаанд хэлэлцүүлэх нь зүйтэй гэж үзлээ.