УИХ-ын отгон байнгын хороо болох Өргөдлийн байнгын хороо өнөөдөр хуралдах гэж байна. Тус байнгын хорооны хурлаар иргэдээс УИХ-ын бүрэн эрхийн хүрээнд хамаарах асуудлаар ирүүлсэн өргөдлийг шийдвэрлэхэд гишүүдийн ажиллах чиг үүргийн хуваарь, Өргөдлийн байнгын хорооны үйл ажиллагааны жилийн тайлан, Иргэдийн өргөдлийг шийдвэрлэсэн байдал, үр дүн, хууль, тогтоолд иргэдээс ирүүлсэн саналын шинжтэй өргөдлийн танилцуулга, хуулийн биелэлтэд хяналт тавих талаар иргэдээс ирүүлсэн өргөдлийн судалгааны танилцуулгыг сонсох аж.

Мөн өнөөдөр Хууль зүйн байнгын хороо, Байгаль орчин, хүнс, хөдөө аж ахуйн байнгын хороо, Эдийн засгийн байнгын хороо болон Агаарын бохирдлыг бууруулах асуудлын дэд хороо тус тус хуралдах хуваарьтай байна.