09.00 цагаас Төсвийн байнгын хорооны хуралдаан  “А” танхимд Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төслүүд /Хүнсний улирлын нөөц бүрдүүлэхэд шаардагдах 100.0 мянга хүртэл тонн улаан буудайг импортоор оруулахад, анхны хэлэлцүүлэг/-ийг хэлэлцэнэ.

09.00 цагаас Эдийн засгийн байнгын хорооны хуралдаан “Б” танхимд  “Үндэсний статистикийн хорооны зөвлөлийн бүрэлдэхүүнийг шинэчлэн батлах тухай” Улсын Их Хурлын тогтоолын төсөл болон хотыг дахин хөгжүүлэх тухай хуулийн төслийг хэлэлцүүлэгт бэлтгэх үүрэг бүхий ажлын хэсэг байгуулах тухай асуудлыг хэлэлцэнэ

14.00 цагаас Төрийн байгуулалтын байнгын хорооны хуралдаан  “А” танхимд “Говь-Алтай аймгийн иргэдийн Төлөөлөгчдийн Хурлын сонгуулийн зардал батлах тухай” Улсын Их Хурлын тогтоолын төсөл, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай/Улсын Их Хурлын гишүүн А.Бакей нар өргөн мэдүүлсэн, анхны хэлэлцүүлэг/, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай Монгол Улсын Их Хурлын чуулганы хуралдааны дэгийн тухай хуулийн зарим заалтыг хэрэгжүүлэх арга хэмжээний тухай Улсын Их Хурлын тогтоолын төсөл /Улсын Их Хурлын гишүүн С.Бямбацогт нар өргөн мэдүүлсэн, анхны хэлэлцүүлэг/, Байнгын хорооноос 2014 онд хийх ажлын төлөвлөгөөний төслүүдийг хэлэлцэнэ.