Зөн Билгийн Тулааны ялагч Дмитрий Волхов ирж буй хөх морин жилийг сонгон манай оронд ирж, олон нийтэд зориулсан лекц уншихаар болсон билээ.  Ийнхүү лекцийн тасалбарыг 2014 оны 01 сарын 01-ээс худалдаанд гаргасан боловч Монголын Хүүхдийн Ордонд болох тус лекцийн тасалбар цөөхөн тоотой, эрэлт их байснаас өнөөдрийн байдлаар тасалбар дуусчээ. Харин та бидэнд нэг боломж үлдсэн нь VIP хүлээн авалт уулзалт юм.

 Цагаан сарын өмнөхөн ирж байгаа учраас ирэх жилдээ алба ажил, амин хувийн асуудал, эрүүл мэнд, бизнесийн тал дээр тус дэм хэрэгтэй байгаа хүмүүстэй тусгайлсан буюу VIP уулзалт, хүлээн авалтыг зохион байгуулахаар болсон байна. Энэ арга хэмжээнд оролцох хүний тоо хязгаартай байгаа бөгөөд энд оролцсон хүмүүс Дмитрий Волховтой хамт үдшийн зоог бариж, урлагийн тоглолт үзэх юм.

Хамгийн чухал нь Дмитрий Волхов хүн бүртэй дотночлон уулзаж, хамтдаа зургаа авахуулан, зарим нэгэнд нь зөвлөгөө өгөх юм байна. Мөн өөрийн бэлдэж авчирсан шившлэгтэй эрдэнийн чулуугаа хүн бүрт өгч, энергиэсээ хуваалцан, ардын домыг хэрэглэх аргыг зааж, энерги, далдын хүчний бүх л боломжит аргуудаас хэлж өгөх юм байна. Мөн лекцэнд уншсан сэдвээрээ ярилцаж, хүмүүсийн асуусан асуултанд хариулна.