08:30 цагаас Хууль зүйн үндэсний хүрээлэн "Үндсэн хуулийн өдөр"-ийг угтан зохион байгуулж буй Монгол Улсын Хөдөлмөрийн баатар, Ардын багш, Гавьяат хуульч, доктор, профессор Б.Чимид агсны нэрэмжит шүүх эрх мэдлийн болон хууль сахиулах байгууллагын ажилтан, сургалт, эрдэм шинжилгээний байгууллагын багш, судлаач, оюутны эрдэм шинжилгээний шилдэг илтгэлийн уралдааны 2-р шалгаруулалт Хууль зүйн үндэсний хүрээлэнгийн Хуульчдын танхимд болно.
09:00 цагаас УИХ-ын чуулганы нэгдсэн хуралдаан эхэлнэ.
09:00 цагаас мэргэшсэн нягтлан бодогчдын жилийн уулзалт Монголын үндэсний худалдаа аж үйлдвэрийн танхимд болно. Энэ хурлаар санхүү, эдийн засгийн холбогдолтой салбар хуралдаанууд зохион байгуулагдана.
09:00 цагаас шинээр ашиглалтанд орж байгаа УЕПГ-ын дэргэдэх Сургалт судалгааны төвийн нээлт болно. Байршил: УБИС-ын замын эсрэг талд яаралтай тусламж 103-ийн хажууд Дэлгэрэнгүй мэдээллийг 94949458
09:00 цагаас Нийгмийн эрүүл мэндийн үндэсний төв нь "Цахим нээлттэй өдөрлөг" зохион байгуулах гэж байна. Эх хүүхдийн эрүүл мэнд, осол гэмтлээс урьдчилан сэргийлэх чиглэлээр мэдээ, мэдээллийг байгууллагын цахим хуудас /ncph.gov.mn/, фэйсбүүк /Healthy mongolia/ групп, твиттерт байршуулах ба та бүхэн өргөнөөр оролцож өөрийн сонирхсон асуултандаа хариулт авч болно.
11:30 цагаас Хан-Уул дүүргийн ИТХурал, ЗДТГазраас Монгол Улсын шинэ Үндсэн хуулийг батлалцсан Ардын Их Хурлын депутат, Үндсэн хуулиа дээдлэн хүндэтгэдэг иргэдийг уулзуулах “ҮНДСЭН ХУУЛИЙН ӨДӨР”-ийн арга хэмжээг дүүргийн хурлын зааланд зохион байгуулна. Уг арга хэмжээнд тухайн үед хууль батлалцаж байсан 24 депутат хүрэлцэн ирж иргэд олон нийттэй уулзалт ярилцлага зохион байгуулах тул эрхэм сэтгүүлчид та бүхнийг ирж сурвалжлахыг урьж байна. Утас: 99286606
13:00 цагаас UBS телевизийн байранд Монголын телевизийн түүхэнд тасралтгүй таван жил дарааллан амжилттай зохион байгуулагдсан “Universe Best Songs” дууны наадам тун удахгүй 2014 оны шалгаруулалтаа эхлэх гэж байгаатай холбогдуулан хэвлэлийн бага хурал хийнэ.
13:30 цагаас Монгол Улсын зөвлөх инженер Дүгэрийн Лхагваа “Холбоогоороо овоглосон он жилүүд” номынхоо нээлтийг Интерном номын их дэлгүүрт хийнэ.
16:00 цагаас нийслэлийн бага ангийн 2000 гаруй багш хамрагдсан "Хүүхэд нэг бүрийг хөгжүүлэх" сургалтын хаалтын ажиллагаа /Сансарын РНЦК-гийн хажуу талын/ 48-р сургууль дээр зохиогдоно.
