Пирамид луйврын гэмт хэрэг манай улсад хэд хэдэн байдлаар үйлдэгдэж иргэд их бага хэмжээгээр хохирч байсан. Энэхүү гэмт хэргийн төрөл цахим хэлбэрт шилжсэн нь Adkash гэх ухаалаг утасны програм ашиглан хялбар аргаар мөнгө олох тухай санал тавьж анхлан элсэхэд 139$-1639$ хэмжээний доллар төлөхийг шаарддаг. Элсүүлсэн хүний тооноос хамааран ашиг хүртэх зарчимаар ажиллана. Пирамид хэлбэрийн сүлжээ нь эцэстээ хамгийн сүүлд элссэн гишүүд нь хохирогч болох зарчмаар явагддаг. Иймд энэ төрлийн аппликейшнийг гар утсандаа суулгалгүй, өөрийгөө болоод гэр бүл, найз нөхөдөө гэмт хэргийн хохирогч болох эрсдлээс урьдчилан сэргийлэхийг анхааруулж байна.
Цахим гэмт хэрэгтэй тэмцэх алба
