Манай төлөөлөгчдийг БНТУ-ын Шүүх, прокурорын дээд зөвлөлийн Хоёр дугаар танхимын дарга Нэсибе Өзер хүлээн авч уулзан зөвлөлийнхөө бүтэц, зохион байгуулалт, үйл ажиллагааг танилцуулав. Уулзалтын дараа Монгол Улсын Шүүхийн ерөнхий зөвлөл ба БНТУ-ын Шүүх, прокурорын дээд зөвлөлийн хоорондын харилцан ойлголцлын санамж бичигт гарын үсэг зурав.
Уг баримт бичигт жил бүр Монгол Улсын 40-өөс доошгүй шүүгч, шүүхийн захиргааны ажилтныг Турк Улсын Хууль зүйн академид сургалтанд хамруулах тухай заажээ. Мөн мэдээлэл, туршлага харилцан солилцох, хамтарсан төсөл, хөтөлбөр хэрэгжүүлэх, эрдэм шинжилгээ, судалгааны материал солилцох,техникийн туслалцаа үзүүлэх талаар тохиролцов.
Манай төлөөлөгчид Туркийн Эрүүгийн дээд шүүх, Хууль зүйн академийн ажилтай бас танилцав.
