Энэтхэгийн их багш Ашутош Махаражийн цогцсыг хөлдөөгчинд хийсэн гэж түүний даган бишрэгчид нь BBC агентлагт мэдээллээ.  Тодруулбал тэд багш нь эргээд амилж, өөрсдийг нь удирдан чиглүүлнэ гэсэн итгэлээр ийм үйлдэл хийсэн байна. Пунжаб мужийн удирдлагууд Махаражийг зүрхний шигдээсийн улмаас таалал төгссөн гэж 1-р сарын 29-нд мэдэгдээд байсан юм.  Гэхдээ дагагчид нь түүнийг гүн бясалгал хийж байна гэж үзээд цогцсыг нь хөлдөөсөн байна. "Тэр таалал төгсөөгүй. Анагаах ухаан йогийн ухаан зэргийг ойлгодоггүй шүү дээ. Бид хүлээж, юу болохыг харах болно. Тэр эргээд ирнэ гэдэгт итгэлтэй байна" хэмээн Махаражийн төлөөлөгч Свами Вишалананд BBC агентлагт мэдэгджээ. Дашрамд дурдахад Махараж нас сүүдэр 70 гарсан гэсэн мэдээлэл байдаг байна.

РАЛЬДИЙ.А /shuum.mn/