Энэ өдөр бол FIFA WORLD CUP 2014 Монголд албан ёсоор нээлтээ хийх өдөр юм. ETVтелевиз хөл бөмбөгийн дэлхийн аварга шалгаруулах тэмцээнийг  Монгол Улсад оюуны өмчөөр бүрэн баталгаажуулан, Монгол орон даяар түгээх эрхийг авсан бөгөөд  хүүхэд залуучуудад хөл бөмбөгийн спортыг таниулан сурталчилах зорилготой юм.  Дээрх албан ёсны том арга хэмжээг монгол орон даяар үзүүлэх, сурталчилан таниулах, залуучуудыг спортод ээлтэй болгох зорилгоор хамтрагч байгууллагаар Монголын Залуучуудын Холбоо ажиллахаар болжээ. МЗХ нь Монгол улсын хэмжээнд бүх аймаг сумдад хүрч ажилладаг олон нийтийн байгууллага тиймээс 6-р сарын 12-оос эхлэн “Сумын залуус” төслийн хүрээнд Монгол улсын 330 сумдад үзүүлэн таниулах, мэдлэг мэдээлэл олгох ажлыг зохион байгуулахаар хоёр тал энэ 3-р сарын 19-ний өдөр Санамж бичигт гарын үсэг зурах юм. Мөн FIFA WORLD CUP 2014 нээлтээ хийх энэ өдөр МЗХ-ны өнгөрсөн жилээс эхлэн хэрэгжүүлж байгаа “Спирт үү, Спорт уу” аяны 2014 оны нээлт болох бөгөөд Чингисийн талбайд манай спортын холбоо, хороод өөрсдийн үйл ажиллагаагаа сурталчилан таниулах, унадаг дугуйн парад зохион байгуулагдах, мөн хөл бөмбөгт хорхойтой залуучууд нэг өдрийг спортоор амьсгалж өнгөрүүлэх юм. Мөн энэхүү нээлт нь FIFA WORLD CUP 2014 эхлэхэд 50 хоногийн өмнө зохион байгуулагдаж байгаагаараа онцлог юм. Ийнхүү монголын хөл бөмбөг сонирхогч залуучууд 4-р сарын 12-оос 7-р сарын 12 хүртэл Дэлхийн брэнд болох хөл бөмбөгийн дор нэгдэж хамтдаа зуныг зугаатай өнгөрүүлэх нь байна.