08:30 цагаас “Орон сууц ба хөгжлийн зөвлөлийн орон сууцны санхүүжилтэд болон уг орон сууцнуудыг иргэдэд худалдан борлуулахад Хуримтлалын төвлөрсөн сангийн үүрэг”, “Хуучны, нийтийн зориулалттай төрийн орон сууцнуудын засвар шинэчлэл”, “1960-аад оны хямд орон сууцнаас 1990-ээд оны тохилог, төлбөрийн чадварт нийцсэн орон сууцны хөгжлийн замнал” зэрэг сэдвээр семинар Монголын архитекторуудын эвлэлийн байранд болно. БХБ-ын сайд Ц.Баярсайхан, Нийслэлийн Засаг дарга Э.Бат-Үүл нар болон Сингапурын парламентын гишүүн, “Амьдрах таатай хотууд” төвийн хүндэт зөвлөх Ма Бау Тан, тус төвийн гүйцэтгэх захирал Куу Тэн Чюү, Барилга, бүтээн байгуулалтын удирдах газар /ВСА/-ын Олон улсын хөгжлийн группын захирал Ко Лин Жи нар оролцоно.
09:00 цагаас МУИС-ийн нийт төгсөгчдийн хонхны баярын үйл ажиллагаа ХСҮТ дээр болно. Энэ үеэр МУИС-ийн Хууль зүйн сургуулийг "Эрх зүйч", "Олон улсын эрх зүйч" мэргэжлээр төгсөж байгаа нийт 120 орчим оюутнууд хонхны баярын үйл ажиллагаанд зарцуулагддаг үргүй зардлыг хэмнэн мөнгө хуримтуулж, мөн бусад хуулийн фирмүүдээс дэмжлэг авч тодорхой хэмжээний хөрөнгө цуглуулж чадсаны үр дүнд Хавдар судлалын үндэсний төвийн Туяа эмчилгээний тасагт 9.3 сая төгрөгийн өртөгтэй өвчтөнд яаралтай тусламж үзүүлэхэд хэрэглэгддэг "зүрхний дефибириллятор" төхөөрөмж болон хүүхдэд зориулсан номын сан байгуулахад зориулж ном хандивлах арга хэмжээ болно. Утас: 8809-8214
09:30 цагаас Найрсаг Улаанбаатар” зорилтын хүрээнд Нийслэлийн Аялал жуулчлалын газраас БНХАУ-ын ӨМӨЗО-ны Манжуур хот болон Монголын аялал жуулчлалын салбарын төлөөлөгчдийн хамтарсан бизнес уулзалт зохион байгуулах гэж байна. Уулзалт Хангарьд ордны 14 давхарт болно.Утас: 88007878
10:00 цагаас УИХ-ын гишүүн Х.Болорчулуун Төрийн ордны Г танхимд хэвлэлийн хурал хийнэ.
11:00 цагаас Эрүүл мэндийн сайд Н.Удвал Зоонозын өвчин судлалын үндэсний төвийн үйл ажиллагаатай газар дээр нь танилцана. Эрхэм сэтгүүлчид та бүхэн сурвалжилна уу. Утас: 99049360
11:00 цагаас Монголын Хүүхдийн Урлан бүтээх төвд Дүүргийн иргэдийн авъяас чадварыг нээн хөгжүүлэх, тэдний соёл, гоо зүйн боловсролыг дээшлүүлэх, чөлөөт цагийг зөв боловсон өнгөрүүлэх зорилгоор 18-аас дээш насны иргэдийн дунд зохион явуулсан “Бид Сүхбаатарчууд” урлагийн наадмын шилдгийг шалгаруулах тоглолт болох гэж байна. Утас: 99767480
11:00 цагаас 7 буудлын эцэст Сүхбаатар дүүргийн Засаг даргын Тамгын газар, Цагдаагийн 2 дугаар хэлтэс, Сүхбаатар дүүргийн гэмт хэргээс урьдчилан сэргийлэх ажлыг зохицуулах зөвлөл харъяа хэлтэс, албад хамтран Гэмт хэрэгтэй тэмцэх цагдаагийн байгууллагын үйл ажиллагааг иргэд олон нийтэд сурталчилах зорилгоор Нээлттэй хаалганы өдөрлөг зохион байгуулах гэж байна. Энэ үеэр Зэвсэггүй тулалдах мэх, гардан тулааны үзүүлбэр, цагдаагийн албан хаагчдын хувцас хэрэгслийн үзэсгэлэн, Хууль эрх зүйн үнэ төлбөргүй зөвлөгөө, Эрүүл мэндийн үзлэг оношлогоо, Цэргийн үүргийн болон цэргийн албан хаагчийн эрх зүйн зөвлөгөө, Нийгмийн даатгалын сагийн талаар мэдээлэл өгч, Хөдөлмөр эрхлэлт, ажлын байрны зуучлал, Газар эзэмшихтэй холбоотой мэдээлэл өгч мөн иргэний бичиг баримттай холбоотой мэдээллийг холбогдох хэлтсийн мэргэжилтнүүд өгөх юм. Утас: 99767480, 91399149
11:00 цагаас Монгол улсын циркийн урлагт "Морьтоны гайхамшиг" үзүүлбэр үүсэн байгуулагдсаны 40 жил, Үндэслэн баигуулагч Д.Норовцэрэн агсаны мэндэлсэний 90 жилийн ойд зориулсан үзэсгэлэн Монголын театрын музейд нээлтээ хийх гэж байна. Утас: 91928808, 99887922, 89860090
11:10 цагаас 2-Р СУВАГ ТЕЛЕВИЗ, Үндэсний цэцэрлэгт хүрээлэн хамтран Шарилжгүй Улаанбаатар сайн санааны аян зохион байгуулах талаар хэвлэлийн бага хурал зарлалаа.
11:40 цагаас Үндэсний цэцэрлэгт хүрээлэн дэх “Цагдаагийн алдар” хүндэтгэлийн талбайд 2014 оны Хууль сахиулах их сургуулийн Цагдаагийн сургуулийг төгсөж буй төгсөгчдийг цагдаагийн байгууллагын удирдлагууд хүлээн авч, тушаал, цол гардуулах хүндэтгэлийн арга хэмжээ болно. 11.00 цагт ЦЕГ-аас сэтгүүлчдэд зориулан машинаар хүргэж үйлчилнэ. Утас: 70111955
12:30 цагаас “Зууны мэдээ” сонины Үндэсний мэдээллийн төвд Орон сууц захиалагчдын хохирогчдын холбоо шинээр нээгдэж байгаатай холбогдуулан хэвлэлийн хурал зарлаж байна. Хурлаар хохирсон иргэд барилгын компаниудаас хохирлоо барагдуулах талаар ярилцана.
13:00 цагаас Монголын үйлдвэрчний эвлэлийн соёлын төв ордонд Эрүүл мэндийн яам, Эрүүл мэндийн хөгжлийн төв, Нийслэлийн хөдөлмөрийн газар хамтран анагаах ухааны боловсрол олгох Их, дээд сургуулийг төгсөгчид, эмнэлгийн мэргэжилтнүүд, аймаг нийслэлийн эрүүл мэндийн байгууллагуудыг оролцуулан “Хөдөлмөрийн яармаг - 2014” зохион байгуулах гэж байна.
14:00 цагаас МУИС-ийн 69 дэх төгсөгчдийн Эрдмийн баярын нэгдсэн ёслол, хүндэтгэлийн арга хэмжээ Чингисийн талбайд болно. Эрдмийн баярын нээлтэнд Монгол Улсын Ерөнхий сайд Н.Алтанхуяг оролцож төгсөгчдөд баяр хүргэж үг хэлнэ.Утас: 99182814
14:00 цагаас Улаанбаатар дахь ДГХБО-ын ОУСТ-ийн байр (НҮБ-ын байр)-анд олон улсын нэрт судлаач П.М.Мүкэржигийн “Далайн эрх зүй ба далайд гарцгүй хөгжиж буй орнуудын эрх ашиг” сэдэвт лекцтэй.
16:00 цагаас Улаанбаатар хотын төв номын сангийн (Нацагдоржын нэрэмжит) Америкийн Соёлын төвд Хүний эрх, ЛГБТ (лесбиян гей бисексуал трансжендер) эрхийн мэдээллийн булан нээлтээ хийх болно.
16:00-18:00 цагийн хооронд "Өөрчлөлтийн төлөөх залуу эмэгтэйчүүд" ТББ-ын "Сайхан бие" төслийн баг “Сайхан бие” гэрэл зургийн үзэсгэлэн болон сэтгүүлчдэд зориулсан хэлэлцүүлэг Art House төвийн 3 давхарт байрлах Grand Art Exclusive Gallery-д болно.
19:00 цагаас Бүгд найрамдах Турк улс Монгол улсын хооронд дипломат харилцаа үүссэний 45 жилийн ойн хүрээнд Тэнгис кино театрт “Istanbul Unveiled” баримтат кино гарна. Утас 99108437
