2014 оны зургаадугаар сарын 21-ны өдрийн Монгол Улсын Засгийн газрын  ээлжит XXXII хуралдаанаар  дараах асуудлыг хэлэлцэн шийдвэрлэв. Улаанбаатар хотод энэ оны 5 дугаар сард хуралдсан худалдаа, эдийн засаг, шинжлэх ухаан, техник, соёлын хамтын ажиллагааны Монгол, Киргизийн Засгийн газар хоорондын комиссын II хуралдааны дүнг сайшааж, уг хуралдааны мөрөөр хэрэгжүүлэх арга хэмжээний төлөвлөгөө батлан хэрэгжилтэд нь хяналт тавьж ажиллахыг Соёл, спорт, аялал жуулчлалын сайд, тус комиссын Монголын хэсгийн дарга Ц.Оюунгэрэлд даалгалаа.