1 унц алтны үнэ 1800 долларт хүрч, түүхэнд байгаагүй рекорд тогтоогоод байгаа. Тиймээс хүмүүс өнгө, зүс, үнэ цэнээ алддаггүй, цахилгаан хамгийн сайн дамжуулдаг үнэт метал болох  алтанд илүү анхаарал хандуулах болсон. Саяхан хэсэг эрдэмтэд бидний эдэлж хэрэглэж байгаа алт сансар огторгуйгаас солирын хамт манай дэлхийн мандалд 4 тэрбум гаруй жилийн өмнө орж ирсэн гэсэн таамаг дэвшүүлжээ. Бристол их сургуулийн эрдэмтдийн гаргасан өгүүлэлд дэлхий ертөнц анх үүсэн бүрэлдэж, температур хөрөхөд газрын гадарга дээр байсан бүх метал дэлхийн цөм рүү орсон. Харин дараа нь бий болсон бүх метал солиртой хамт сансар огторгуйгаас орж ирсэн гэж бичжээ. Хэсэг геохимичид Грийнланд арал орчмын эртний чулуулгийн бүтцийг бусад хэд хэдэн газрын одоогийн чулуулгийн бүтэцтэй харьцуулан судалжээ. Эрдэмтэд солирон бороо яах аргагүй дэлхийн газрын гадаргын чулуулгийн бүтцийг өөрчилсөн. Одоо дэлхий дээр байгаа металын элементүүд сансар огторгуйгаас солирон бороо орох үеэр дэлхий дээр буусан гэсэн дүгнэлтэнд хүрсэн байна.  Та алт эрдэнэс худалдан авах болбол сансар оргторгуйд талархах болох нь ээ.
Shuum.mn