Энэхүү техник тоног төхөөрөмжийг худалдан авах санхүүжилтийг сонсогч фенүүддээ амласан ёсоороо өнгөрсөн оны 11 сарын 29,30-нд "Улаанбаатар палас"-ын концертын их танхимд зохион байгуулсан ойн тоглолтынхоо орлого болон алтан пянзныхаа дуудлага худалдааны мөнгөөр бүрдүүлсэн бөгөөд ийнхүү эрүүл мэндийн салбарынханд эмнэлэгийн тоног төхөөрөмжөө хүлээлгэн өгч буй баяр бахдалтай мөчөө түмэн олонтойгоо хуваалцахаар энэ сарын 16-нд буюу 4 дэх өдөр 11:00 цагаас “Монгол ньюс” мэдээллийн төвд хэвлэлийн хурал зарлалаа.

  Энэ дашрамд дуулгахад 20-н жилийн турш хамтдаа байж үзэгч, сонсогч, уншигч түмэнтэй нь уулзуулж байдаг эрхэм сэтгүүлчиддээ талархлаа илэрхийлж хэвлэлийн хуралд хүрэлцэн ирсэн бүх сэтгүүлчиддээ, Монголын рок попын түүхэнд төдийгүй дэлхийн рок хөгжмийн түүхэнд анх удаа гэгдэж буй 20-н жилийн ойдоо зориулан гаргасан “Түүхэн ном”-оо бэлэг болгон гардуулах гэж байгаагаа дуулгалаа. Ингээд эрхэм сэтгүүлчид та бүхнийг хэвлэлийн хуралд хүрэлцэн ирж талархлын бэлгээ гардан авахыг уриалж байна.