Робин Уильямс амиа хорлох үедээ хар тамхи, эсвэл согтууруулах ундааны нөлөөнд автаагүй байсан гэж Калифорнийн хууль хяналтын байгууллага мэдээллээ. 63 настай жүжигчнийг наймдугаар сарын 11-нд Калифорни дахь гэртээ амьсгал хураасан байдалтайгаар олсон ба удалгүй түүнийг амиа хорлосон гэсэн дүгнэлтийг албаныхан гаргасан юм. Өнгөрсөн баасан гарагт танилцуулсан шүүх эмнэлгийн дүгнэлтэд тусгаснаар Уильямс өөрийгөө боомилсны улмаас амьсгал нь тасалдаж, амиа алдсан аж.

Mrs Doubtfire, Good Will Hunting зэрэг дэлгэцийн уран бүтээлүүдэд тоглож нэр алдарт хүрсэн тэрээр сэтгэл гутралд орсон гэсэн оноштойгоор эмчлүүлж байжээ. Робин Уильямс Good Will Hunting кинонд бүтээсэн дүрээрээ Оскарын шагнал хүртсэн юм.
 
РАЛЬДИЙ.А /shuum.mn/