3 жилийн өмнө анхны iPad-ийг танилцуулж байснаас хойш хэдийнээ 3 жил өнгөрч түүний зах зээл маш хурдацтайгаар өсөн тэлж байна. Цаг хугацааны туршид бүхий л зөөврийн компьютер болон гар утас, таблетууд нь хоорондоо нэгдэж нэг бүтээгдэхүүн болох чиглэл рүү явж байна. Заримдаа энэ нь таны facebook болон и-мэйлээ шалгах, интернэтээр бусадтай ярихдаа 5, 7 эсвэл 13 инчийн дэлгэцүүд дээр хийгдэж байгаагаас харагдана.
Ахиад ижил хугацааны дараа буюу 3 жилийн дараа бид зөөврийн компьютер болон ухаалаг гар утсыг нэгтгэсэн нэг бүтээгдэхүүн хэрэглэж байх болов уу. Таблет бол худалдаж авах болон авч явахад илүү зүйл мэт санагддаг. Та магадгүй таблетийг хэрэггүй гэж хэлж болно, гэхдээ энэ нь та түүнийг хүсэхгүй байна гэсэн үг биш юм.
Гэхдээ хэрэв та таблет худалдан авахыг хүсч байвал та хамгийн түрүүнд ямар таблет авахыг хүсч байгаагаа тодорхойлох хэрэгтэй. iPad уу? Android уу? эсвэл Windows таблет уу? /Энэхүү нийтлэл нь хямд үнийн дүнтэй жижиг таблетуудыг онцолсон бөгөөд та зөөврийн компьютерт дөхөж очих хүчин чадал бүхий таблет сонирхож байвал таблет болон зөөврийн компьютер болдог Windows8 бүхий таблетууд худалдаанд бий/
Энд мөн таны анхаарал хандуулах шаардлагатай хэд хэдэн зүйл бий. Таны таблетанд зуу зуун аппликейшн, программууд байх хэрэгтэй юу? Нэг гартаа бариад явчихаар хөнгөн, жижиг байх уу эсвэл 10 инчийн том дэлгэцтэйг үү? Таны таблетанд нэмэлт санах ойн оролт хэрэгтэй юу эсвэл үндсэн багтаамжаараа байхад хангалттай юу? 3G эсвэл 4G-ээр холбогдон хаана ч онлайн байхаар ашиглах уу? Танд ямар бодол байна ?
Таныг сонголтоо зөв хийхэд тус нэмэр болох зорилгоор бид 10 таблетийг туршиж үзлээ. Доорхи жагсаалтанд байгаа таблетууд нь iOS, Android OS, Windows OS үйлдлийн системтэй бөгөөд 5 загвар нь том буюу 8,9-10 инч, үлдсэн 5 загвар нь жижиг дэлгэцтэй буюу 7-8 инчтэй байна. Бид шинэ таблет гарах бүрт туршиж, харьцуулдаг бөгөөд тухай бүрт жагсаалтыг шинэчлэх болно.
Том хэмжээний дэлгэцтэй таблетууд:
1. Apple iPad air
2. Asus Transformer Book T100TA
3. Amazon Kindle Fire HDX 8.9"
4. Samsung Galaxy Note 10.1 /2014 оны загвар/
5. Sony Xperia Tablet Z
Жижиг дэлгэц бүхий таблетууд
1. Google Nexus 7
2. Apple iPad mini with Retina display
3. Amazon Kindle Fire HDX7"
4. Asus MeMO Pad HD7
5. Dell Venue 8 Pro
Мэдээллийн эх сурвалж: www.pc-mall.mn
