Жил бүрийн нэгдүгээр сард “Бүх дэлхийн цасны өдөр”-ийг Олон улсын цанын спортын холбооноос зохион байгуулдаг уламжлалтай. Энэхүү арга хэмжээг 2012 оны өвлөөс эхлэн олон нийтийн анхаарлыг өвлийн спортын төрлүүдэд хандуулах зорилгоор зохион байгуулж иржээ.

Уг арга хэмжээний үеэр өсвөр үе, насанд хүрэгчдийн дунд цасны спортын олон тэмцээн уралдаан зохион байгуулагддаг аж. 2015 оны “Бүх дэлхийн цасны өдөр”-ийг энэ сарын 18-нд зохион байгуулахаар болсон бөгөөд 38 улс дэмжиж оролцохоор болсны дотор Монгол, БНХАУ, Армен улсууд анх удаа нэгдэж байгаа юм байна.

Энэ хүрээнд Монголын цанын холбооноос хоёр өдрийн арга хэмжээг зохион байгуулах бөгөөд цасны баярыг зохион байгуулж, хүүхдүүдэд цанын хичээл зааж, насанд хүрэгчдийн цанын уралдаан гэх мэт олон арга хэмжээг зохиохоор төлөвлөжээ.