Өнөөдөр аргын тооллын 2015 оны Нэгдүгээр сарын 14. Лхагва гараг. Билгийн тооллын XVII жарны "Тийн ялгуусан" хэмээгч модон морин жилийн өвлийн дунд улаан хулгана сарын шинийн 24. Буд гараг. Салхины эх одтой, 8 цагаан мэнгэтэй цагаан бар өдөр. Өдрийн барилдлага Үл зохилдох. Шүтэн барилдлага Нэр-өнгө. Өдрийн наран 8 цаг 33 минутад мандан, 17 цаг 17 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
* * *Өрнийн зурхай * * *
Хонь (3/21-4/19)
Ажлаа болон мэргэжилээ сольж өөр зүйл хийхийг хүсдэг хүмүүс өнөөдөр анхны алхамаа хийхэд тааламжтай. Энэ бүхэнд мөнгө санхүүгийн асуудал гарах нь тодорхой. Сонор сэрэмжтэй бай. Мэргэжлийн үйл ажиллагаа, амрагийн харилцаа тогтворгүй байх төлөвтэй. Арилжаа наймаанд идэвхтэй оролцох гэсний хэрэггүй. Та их хүч гарган ажилласан ч учрах бүх саад тотгорыг давж чадахгүй бололтой. Сэтгэл санааны байдал үе үе өөрчлөгдөж, толгой өвдөж магадгүйг анхаар. Мөн хар дарж зүүдлэх төлөвтэй.
Үхэр (4/20-5/20)
Од эрхэсийн таатай байрлал энэ ордонд байрлаж байгаа ба мөнгө төгрөгний орлого олох, аль эсвэл ашиг хонжоотой худалдан авалт хийж болохыг амлаж байна. Хэрвээ та хийх зүйлээ эртнээс бодож төлөвлөвөл энэ өдөр бүтэлтэй сайн байх болно. Ажил хэрэгтэй холбоотой уулзалт, хэлэлцүүлгийг үдээс өмнө хийхийг зөвлөж байгаагийн учир шалтгаан нь үдээс хойш та зөв зүйтэй шийдвэр гаргаж чадахгүйд оршино. Хувийн амьдрал амжилтгүй байх тул үүнтэй холбогдон урам хугарах болно. Эрүүл мэндийн байдал хэвийн байна.
Хамтатгах (5/21-6/21)
Эд материалын зарлага, алдагдлыг хүлээх өдөр. Амьдралын хэтэрхий нээлттэй хэв маягтай холбогдон гарч байгаа, өсөн нэмэгдэж байгаа зардлууд нь хүүхдүүд болон хөгшин настай төрөл садангуудтай асуудал үүсгэнэ. Ажил мэргэжлийн болон хувийн амьдралын хүрээнд болж байгаа бүх зүйлийг хянаж, болгоомжтой байгаарай. Харин харамч хахир байх нь танд нэр хүндийг авчрахгүй.
Мэлхий (6/22-7/22)
Дүгнэлт хийх өдөр. Гадаад зүйлсээс тусгаарлагдах ба дотоодод зөрчилтэй өдөр гэдгээр тэмдэглэгдэж байна. Өөрийн бололцоо, зуршил болсон зүйлсдээ дүн шинжилгээ хийх хэрэгтэй. Энэ нь олон зүйлсийг ойлгож дахин үнэлэхэд тус болно. Өсвөр насны хүүхдүүдтэй харьцах харьцааг гэнэтийн таагүй зүйлс нь ихээхэн хүндрэлтэй болгоно. Одод энэ өдрүүдэд бусад өдрөөс илүү өөрийгөө барьж тайван байж сэтгэл санааны байдлаа хүчтэй илэрхийлэх хэрэггүй гэж анхааруулж байна.
Арслан (7/23-8/22)
Ажил мэргэжлийн хувьд ахиж дэвшихэд сайн өдөр. Шийдвэртэйгээр эхэлсэн ажил хэргээ та амжилттай төгсгөж чадах болно. Эдийн засгийн байдал уруудах магадлалтай учир зардал зарлагаа багасга. Найз нөхөд, ойр дотныхонтойгоо хийх уулзалт нь таныг ядаргаанд оруулах магадлал өндөр байна.
Охин (8/23-9/22)
Сонирхолтой өдөр. Гэнэт үүсэх болон шийдэгдээгүй хэрэг явдлыг зөв гольдролд оруулахад танаас ихээхэн хүч хөдөлмөр, цаг завыг шаардах болно. Мөнгө санхүүгийн алдагдал хүлээж болзошгүй. Амьдралын эрч хүч тийм ч өндөр бус түвшинд байгаа учир авьяас чадвар, оюун ухаанаа бүрэн дайчлан ажиллаж чадахгүй байх болно.
Жинлүүр (9/23-10/22)
Таатай өдөр ялангуяа энэ ордны эрчүүдэд. Тэдэнд өөрийн зорилгодоо хүрэхэд ашиглах халуухан эсрэг хүйстэн байна. Дур булаам байдлаараа шинэ холбоо үүсгэх эсвэл хуучин харилцаагаа сэргээх болно. Харин эмэгтэйчүүдэд гэрийн ажил хийж өдрийг барах эсвэл дотны хүнтэйгээ маргалдах хэрэг гарах нь. Хэн нэгнээс юу ч бүү шаард, одооныхоо байдалд сэтгэл хангалуун байхыг хичээгээрэй. Ямар ч тохиолдолд ирээдүйгээ өөдрөгөөр хараарай.
Хилэнц (10/23-11/21)
Хүнд аюултай өдөр. Таагүй мэдээнээс болж тэр өдрийн сэтгэл санааг тавгүйтүүлэх эсвэл ойр дотны хүмүүсийн харилцааг ахин нэг харах шаардлага гарна. Та саад тотгор, бэрхшээлтэй учирсан ч бүү бууж өг. Таны алдсан алдааг засах боломжийг нээтэл өөрийгөө завгүй байлга.
Нум (11/22-12/21)
Хувийн харилцаанд ямар нэгэн асуудал гарна. Хүсээгүй хамтрагчийнхаа сонирхолыг хүлээн авах болно. Сул дорой байдал эсвэл хэн нэгний бодол санаанаас болж таны хүрээлэн буй хүмүүсийг гомдооход хүргэнэ. Зөн совиндоо итгэ. Сар таны харилцаа холбоог илтгэдэг ба гэрийн тань тайван амьдралыг гэрэлтүүлэх болно.
Матар (12/22-1/19)
Таатай өдөр. Эмэгтэйчүүд шинэ танилуудтай болоход гэмгүй. Та бүх авьяас чадвараа ил гарган, өөрийгөө зөв талаас харуулж чадна. Эрчүүд машинаар хурдан давхихаас зайлсхий гэж одод зөвлөж байна. Түүнчлэн багаж зэвсэг, ахуйн цахилгаан хэрэгсэлтэй болгоомжтой харьцах хэрэгтэй. Бэртэж гэмтэх нигууртай байна.
Хумх (1/20-2/18)
Од гарагийн эрч хүчийг авах өдөр. Төлөвлөсөн ажлаа зоригтойгоор барьж ав. Магадгүй их хэмжээний мөнгө орж ирнэ. Таны хүсч байсан зүйл биеллээ олох болно. Гэхдээ өөрийн үйлдэлдээ хариуцлагатай, хувийн зохион байгуулалтай хандахыг хичээ. Үүний үр дүнд санхүүгийн байдал сайжрах болно. Хэрэв гэрээс хол энэ өдрийг өнгөрөөхийг хүсвэл үүнийгээ хийгээрэй.
Загас (2/19-3/20)
Ажил хэргийн уулзалтад амжилт авчрах өдөр. Ямар нэгэн шинэ зүйл эхлэх хэрэггүй. Түүний оронд хуучин бичиг баримттайгаа зууралдаарай. Ихэнх хүмүүс санхүүгийн асуудал мөн удирдлага, хамтрагч нартайгаа үл ойлголцолд хүрнэ. Гэхдээ бусад ажил тань урагштай байна. Өдрийн хагаст хачирхалтай нөхцөл байдалд хүрч болзошгүй.